Ինչպես երևում է, Մարկովի ներկայությունը Շուշիի մեդիա ֆորումում աննկատ չի մնացել։ Դրա մասին սոցիալական ցանցերում գրել է Կրեմլի press pul-ի (երկրի նախագահի գործունեությունը պարբերաբար լուսաբանող լրագրողների խմբի ոչ պաշտոնական անվանումը -խմբ.) թղթակից Ալեքսանդր Յունաշևը։
«Հենց այս միջոցառման ժամանակ է Ադրբեջանի ղեկավարը քննադատել Ռուսաստանին և նույնիսկ որպես նվեր ընդունել ուկրաինական ազգային գումարտակի շևրոնների («բարեկամ կամ թշնամի» սկզբունքով տարբերակման նշաններ հագուստի, զենքի և ռազմական տեխնիկայի վրա -խմբ.) հավաքածուն։ Եվ հենց այդ նվերի հանձնման լուսանկարում էր «աչքի ընկնում» ժպիտից փայլող Մարկովը։ Ավելի ուշ տարածվել է նաև տեսանյութ, որում ադրչբեջանամետ քաղաքագետն ակտիվորեն գովաբանում է Ադրբեջանի նախագահին՝ նրան «փայլուն մտավորական» անվանելով,- նշել է Յունաշևը։
Ինչպես գրում է «Газета.ru»-ն, հուլիսի 21-ին ռազմական բլոգերները կոչ են արել պատժել այդ ֆորումին մասնակցած քաղաքագետ Մարկովին։ Ըստ գրող Ռոման Անտոնովսկու՝ Ադրբեջանի առաջնորդին գովաբանելը, ինչպես դա արեց Մարկովը, անհնար է Մոսկվայի և Բաքվի միջև լարված հարաբերությունների պատճառով։
Ավելի վաղ, ըստ Ռուսաստանի արդարադատության նախարարության հրամանագրերի՝ քաղաքագետ Սերգեյ Մարկովը օգոստոսի 22-ին ընդգրկվել է օտարերկրյա գործակալների գրանցամատյանում:
News.am
