Իրանի Քաղաքական նպատակահարմարության որոշման խորհրդի անդամ Սեյեդ Մոհամմադ Սադրը Seenergyir ալիքին տված հարցազրույցում (տեսանյութը տեղադրված է իրանական Aparat հոսթինգում) հայտարարել է, որ Ռուսաստանը Իսրայելին հետախուզական տվյալներ է տրամադրել Իրանի հետ 12-օրյա պատերազմի ընթացքում, հաղորդում է Կոմերսանտը։
Հունիսին Իրան-Իսրայել զինված հակամարտությունը «ցույց է տվել, որ Մոսկվայի հետ ռազմավարական դաշինքն անօգուտ է», – ասել է պաշտոնյան։
«Ռուսաստանը Իսրայելին տեղեկատվություն է տրամադրել Իրանում ՀՕՊ համակարգերի տեղակայման մասին», – ասել է Սեյեդ Մոհամմադ Սադրը։
Նա հայտարարել է, որ Իրան-Իսրայել հունիսյան զինված հակամարտությունը «ցույց տվեց, որ Մոսկվայի հետ ռազմավարական դաշինքն անօգուտ է»: «Օրինակ, նրանք (Ռուսաստանը) ընդամենը հայտարարեցին. «Մենք ուրախ չենք, որ Իսրայելը հարձակվել է Իրանի վրա»», – ասել է նա։ «Նույն Թուրքիան ՆԱՏՕ-ի անդամ է։ Ի՞նչ է ՆԱՏՕ-ն։ Այն Ռուսաստանի դեմ է։ Ռուսաստանը համաձայնեց Թուրքիային վաճառել S-400։ Սա բացարձակապես այն ռազմավարական գործընկերության մասին չէ, որի մասին մենք երկար ժամանակ խոսում էինք», — հավելել է Սեյեդ Մոհամմադ Սադրը։
Պաշտոնյայի խոսքով՝ սա չի նշանակում, որ Մոսկվան և Թեհրանը չպետք է հարաբերություններ ունենան։ «Մենք պետք է շատ լուրջ հարաբերություններ ունենանք։ Մենք հարևաններ ենք», – նշել է նա։ «Բայց վստահել չի կարելի»։
News.am
