Քաղաքագետ Պյոտր Կոլչինը Alpha News-ին տված հարցազրույցում մեկնաբանել է Իրանի նախագահ Մասուդ Փեզեշքիանի հայտարարությունը, թե «ընդհանուր սահմանին երրորդ ուժերի ներկայության վերաբերյալ Իրանի մտավախությունները պետք է փարատվեն»։
Քաղաքագետի կարծիքով՝ Հայաստանի վարչապետ Նիկոլ Փաշինյանին չհաջողվեց համոզել Թեհրանին, որ «Թրամփի ճանապարհը» կլինի Հայաստանի վերահսկողության ներքո։
«Ընդհանուր առմամբ, «Զանգեզուրի միջանցքի» շուրջ ստեղծված ողջ իրավիճակն ակնհայտորեն Իրանի դեմ է։ Հյուսիսային սահմանի ուղղակի մուտք է ստանում նաև Թուրքիան, որի հետ Թեհրանը շատ բարդ հարաբերություններ ունի։ Եվ չպետք է մոռանալ, որ դեռ մի քանի ամիս առաջ Թրամփի հրամանով ամերիկյան ավիացիան ռմբակոծել էր Իրանի օբյեկտները։ Եվ երկրի հյուսիսում գտնվող հենակետն, ըստ ամենայնի, շատ է անհանգստացնում Իրանի ղեկավարությանը ։
Փաշինյանին ոչ մի կերպ չհաջողվեց համոզել Փեզեշքիանին, որ ամերիկացիները չեն կարողանա միջանցքով իրենց սպառազինությունները հասցնել և իրենց զորակազմերին մատակարարել, ուստի պետք է սպասել Երևանի և Թեհրանի միջև հարաբերությունների սառեցման։ Իրանն արդեն մեկ անգամ չէ, որ ապացուցել է՝ հանուն իր անվտանգության ապահովման պատրաստ է արմատական միջոցառումների, ուստի պետք է սպասել նաև նրա պաշտպանական ենթակառուցվածքի ուժեղացմանը հյուսիսային սահմաններին և զգոնության ավելի բարձր մակարդակին՝ Հայաստանի ղեկավարության գործողությունների նկատմամբ»,- եզրափակել է Կոլչինը։
