ԱՄՆ նախագահ Դոնալդ Թրամփը հայտարարել է, որ կարող է իր ռուս գործընկեր Վլադիմիր Պուտինին հրավիրել մասնակցելու 2026 թվականին ԱՄՆ-ում կայանալիք ֆուտբոլի աշխարհի առաջնությանը:
«Վլադիմիր Պուտինը կգա, թե ոչ՝ կախված է նրանից, թե ինչպես կզարգանան իրադարձությունները»,- Սպիտակ տանը լրագրողներին ասել է Թրամփը:
Ամերիկացի առաջնորդը լրագրողներին ցույց է տվել Պուտինի հետ լուսանկարը Ալյասկայի գագաթնաժողովից, որն իրեն ուղարկել են:
«Նա լավ է դուրս եկել, ես՝ նորմալ»,-ասել է Թրամփը:
ԱՄՆ առաջնորդը նաև հայտարարել է, որ 2 շաբաթվա ընթացքում «շատ կարևոր որոշում» կկայացնի Ուկրաինայի հարցում: Նրա խոսքով՝ այն կախված կլինի Մոսկվայի և Կիևի հետագա գործողություններից և կարող է ներառել պատժամիջոցներ և մաքսատուրքեր։
«Ինձ բացարձակապես ոչինչ չի ուրախացնում այս պատերազմում, բնավ չի ուրախացնում։ Բացարձակ չի ուրախացնում։ Տեսնենք՝ ինչ կլինի։ Կարծում եմ՝ առաջիկա երկու շաբաթվա ընթացքում մենք կիմանանք, թե ինչ կստացվի: Եվ լավ կլինի, թե ես ուրախ լինեմ»,-ասել է Թրամփը լրագրողներին։
Sputnik Արմենիա
