Կան իրողություններ, որոնք համաշխարհային հանրությունը ճանաչում է որպես ցեղասպանություն՝ հիմնվելով փաստերի վրա։ Այս մասին հայտարարել է Թուրքիայի արտգործնախարար Հաքան Ֆիդանը, հաղորդում են թուրքական լրատվամիջոցները։
«Կան փաստեր, որոնք աշխարհը ճանաչում է որպես ցեղասպանություն։ Այն, ինչ փորձում է անել Իսրայելի վարչապետ Բենիամին Նեթանյահուն, ոչ այլ ինչ է, քան սեփական ցեղասպանությունը թաքցնելու փորձ։
Իսրայելի անձեռնմխելիության պատրանքը ցրվել է։ Պաղեստինի հարցը և վերջին երկու տարիների ընթացքում Գազայում տեղի ունեցող ցեղասպանությունը վերք է ոչ միայն մեր ժողովրդի, այլև բոլոր մուսուլմանների համար, դա ամբողջ աշխարհի ցավն է։
Իսրայելը շատ ավելի հեռու է գնում 1967 թվականին հաստատված սահմաններից՝ ձգտելով ընդլայնման և օկուպացիայի։ Սա ակնհայտ է», – ընդգծել է Թուրքիայի արտգործնախարարը։
News.am
