Սյունիքում նախօրեին զանգվածային թունավորման դեպք է գրանցվել․ 17 անձ, որոնք մասնակցել են խնջույքի, տեղափոխվել է հիվանդանոց, հայտնել են ՀՀ սննդամթերքի անվտանգության տեսչական մարմնից։
Նշվում է, որ Գորիսի բժշկական կենտրոն է ընդունվել 17 քաղաքացի՝ աղեստամոքսային տրակտի խանգարումներով և նախնական «սուր էկզոգեն սննդային թունավորում» ախտորոշմամբ:
Պարզվել է, որ քաղաքացիների ինքնազգացողությունը վատացել է Գորիսում «Փոսիկի աղբյուր» կոչվող բացօթյա տաղավարում կազմակերպված խնջույքի ժամանակ:
ՍԱՏՄ տեսուչների կողմից կատարվել է նմուշառում տեղում օգտագործված առկա սննդամթերքից և տրվել մանրէաբանական լաբորատոր հետազոտության: ՍԱՏՄ-ից նշում են, որ փորձաքննության արդյունքները կհրապարակվեն:
Shamshyan.com-ն էլ հայտնել է, որ հիվանդանոց տեղափոխված 17 անձից 11-ն անչափահաս է։ Նրանք մասնակցում էին ծննդյան տարեդարձի:
Armenia Today
