Բելառուսի նախագահ Ալեքսանդր Լուկաշենկոն հայտարարել է, որ ինքը շնորհավորել է ամերիկացի գործընկեր Դոնալդ Թրամփին, քանի որ նա կարողացել է բանակցությունների սեղանի շուրջ նստեցնել Հայաստանի և Ադրբեջանի ղեկավարներին, ինչի արդյունքում Վաշինգտոնում փաստաթղթեր են ստորագրվել:
«Ամեն դեպքում մեծ պլյուս է։ Ասում եմ՝ կեցցեք, որ հնարավորություններ եք գտել, բանակցությունների սեղանի շուրջ եք նստեցրել, որ հայերի ու ադրբեջանցիների հետ խաղաղ պայմանագիր եք ստորագրել։ Ես հո գիտեմ, թե ինչ է «Զանգեզուրի միջանցքը» (Հայաստանը մերժում է այդ եզրույթը և Սյունիքով ճանապարհի բացման «միջանցքային տրամաբանությունը՝ խմբ․»)։ Նրանք այնտեղ կանգնեցին ու ասացին՝ վերահսկելու ենք։ Դա մեծ գործ է։ Իհարկե, իրանցիներին շատ դուր չեկավ․․․ այդ ամբողջ գործը Իրանի սահմանին, բայց դրան ոչ ոք չի կարողանա դիմակայել»,-կարծում է Լուկաշենկոն։
Նրա խոսքով՝ ԱՄՆ-ն «կօգնի կառուցել այդ միջանցքը հայկական տարածքով և կապել Ադրբեջանի երկու հատվածները»։
«Նա (Թրամփը) արժանի էր, և ես նրան շնորհավորեցի»,- ասել է Լուկաշենկոն:
Sputnik Արմենիա
