Միքայել սրբազանի գործով դատախազ Վահան Հարությունյանը պահանջեց մեղավոր ճանաչել սրբազանին։
Նշենք, որ Միքայել Արքեպիսկոպոս Աջապահյանին մեղադրանք է առաջադրվել քրեական օրենսգրքի 422-րդ հոդվածի 2-րդ մասով (իշխանությունը զավթելուն, տարածքային ամբողջականությունը խախտելուն, ինքնիշխանությունից հրաժարվելուն կամ սահմանադրական կարգը բռնի տապալելուն ուղղված հրապարակային կոչեր)։
Այս հոդվածով մեղավոր ճանաչվելու դեպքում ՔՕ–ն նախատեսում է տուգանք` քսանապատիկից հիսնապատիկի չափով, կամ հանրային աշխատանքներով՝ հարյուր հիսունից երկու հարյուր յոթանասուն ժամ տևողությամբ, կամ ազատության սահմանափակմամբ՝ մեկից երեք տարի ժամկետով, կամ կարճաժամկետ ազատազրկմամբ՝ մեկից երկու ամիս ժամկետով, կամ ազատազրկմամբ՝ երկուսից հինգ տարի ժամկետով:
Դատական նիստը կես ժամով հետաձգվեց սրբազանի պաշտպան Երեմ Սարգսյանի ներկայությունն ապահովելու համար։
Նշենք, որ Աջապահյանի գործով հիմնական դատալսումները մոտեցան ավարտին` օգոստոսի 25–ին։ Միքայել սրբազանը ձերբակալվել է հունիսի 28–ին։ Գործով առաջին դատական նիստը նշանակվել էր օգոստոսի 15-ին, այսինքն` դատարանն հիմնական դատալսումները ավարտեց ընդամենը 13 օրում։
Sputnik Արմենիա
