Բլոգեր Արսեն Մարգարյանին, որի դեմ քրեական գործ են հարուցել նացիզմի արդարացման համար, ընդհուպ մինչև 5 տարվա ազատազրկում է սպառնում։ Այս մասին հայտնում է ՌԻԱ Նովոստին։
Ավելի վաղ Մոսկվայի դատախազությունը հայտնել էր, որ բլոգեր Արսեն Մարգարյանի հետ հարցազրույց-տեսանյութ է բացահայտել, որում նա, արդարացնելով ահաբեկչության գաղափարախոսությունը, Ռուսաստանի տարածքում և ՌԴ քաղաքացիների նկատմամբ ԱԹՍ–ների կիրառմամբ ահաբեկչական գործունեություն իրականացնելու հրապարակային կոչեր է հնչեցրել։
Դրանից հետո իրավապահ մարմինները ՌԻԱ Նովոստիին հայտնել էին, որ բլոգերի նկատմամբ նախաքննական ստուգում է սկսվել:
Այսօր իրավապահ մարմինները ՌԻԱ Նովոստիին հայտնել են, որ Մարգարյանի նկատմամբ քրեական գործ է հարուցվել ՌԴ ՔՕ 354.1 հոդվածով («Նացիզմի ռեաբիլիտացիա»):
ՌԴ քրեական օրենսգրքի դրույթների համաձայն` առավելագույն պատիժը, որը կարող է սպառնալ բլոգերին, հինգ տարվա ազատազրկումն է։
Sputnik Արմենիա
