Բաքվում կայացել է հայ գերիների, այդ թվում՝ Արցախի նախկին ռազմաքաղաքական ղեկավարության գործով հերթական շինծու դատավարությունը, հանդես են եկել Արցախի նախկին առաջնորդներ Արկադի Ղուկասյանը, Բակո Սահակյանը և Արայիկ Հարությունյանը:
Դատելով ադրբեջանական ԶԼՄ-ների հաղորդագրություններից՝ նրանք իրենց «ցուցմունքներում» գործնականում կրկնել են այն, ինչ արդեն ասվել էր ամիսներ առաջ և վերաբերում էր 44-օրյա պատերազմի մանրամասներին, պաշտպանության բանակին սպառազինության մատակարարումներին։
Նիստը կշարունակվի օգոստոսի 29-ին:
Հիշեցնենք` հունվարի 17-ից Ադրբեջանում ընթանում է Արցախի նախկին ռազմաքաղաքական առաջնորդների գործով «դատավարությունը»: Մեղադրյալների թվում են նախկին նախագահներ Արկադի Ղուկասյանը, Բակո Սահակյանը, Արայիկ Հարությունյանը, պաշտպանության բանակի նախկին հրամանատար Լևոն Մնացականյանը, նախկին արտգործնախարար Դավիթ Բաբայանը և այլք:
Նախկին պետնախարար և բարերար Ռուբեն Վարդանյանի գործը քննվում է առանձին վարույթով:
Sputnik Արմենիա
