Բաքվում շարունակվել է արցախցիների շինծու դատավարությունը. «տուժածները» վկայություն են տվել

Բաքվում կայացել է հայ գերիների, այդ թվում՝ Արցախի նախկին ռազմաքաղաքական ղեկավարության գործով հերթական շինծու դատավարությունը։

Ադրբեջանական լրատվամիջոցները գրում են, որ այսօրվա նիստում վկայություն են տվել այսպես կոչված «զոհերը», որոնք իբրև տուժել են Շուշիում, Քարվաճառում, Վարանդայում և Կովսականում։

Հաջորդ «դատական նիստը» նախատեսված է օգոստոսի 28-ին։

Հիշեցնենք` հունվարի 17-ից Ադրբեջանում ընթանում է Արցախի նախկին ռազմաքաղաքական առաջնորդների գործով «դատավարությունը»: Մեղադրյալների թվում են նախկին նախագահներ Արկադի Ղուկասյանը, Բակո Սահակյանը, Արայիկ Հարությունյանը, պաշտպանության բանակի նախկին հրամանատար Լևոն Մնացականյանը, նախկին արտգործնախարար Դավիթ Բաբայանը և այլք:

Նախկին պետնախարար և բարերար Ռուբեն Վարդանյանի գործը քննվում է առանձին վարույթով:

Sputnik Արմենիա