«Հայաստանը համաձայնել է Ադրբեջանի հիմնական մասից դեպի Նախիջևանի Ինքնավար Հանրապետություն անարգել ցամաքային անցմանը»։ Ըստ APA-ի, այս մասին հայտարարել է Ադրբեջանի վարչապետ Ալի Ասադովը՝ «Ադրբեջանի նախագահ Իլհամ Ալիևի Վաշինգտոն կատարած պատմական այցին» նվիրված հատուկ նիստում։
«Համատեղ հռչակագրի ամենակարևոր դրույթներից մեկը վերաբերում է տարածաշրջանում տրանսպորտային և կապի գծերի բացմանը: Հայրենական պատերազմից հետո նախագահ Իլհամ Ալիևը բազմիցս և վճռականորեն հայտարարել է, որ պետք է ապահովվի Ադրբեջանի հիմնական մասից դեպի Նախիջևանի Ինքնավար Հանրապետություն անարգել ցամաքային անցումը: Բոլոր դժվարություններին, անհամաձայնություններին և տարբեր դիրքորոշումներին չնայած՝ պետության ղեկավարի այս պահանջը նույնպես ընդունվել է հայկական կողմի կողմից», – Ասադովի խոսքերն է մեջբերում պարբերականը: Նրա խոսքով՝ նախատեսվում է Միացյալ Նահանգների կողմից աջակցվող հատուկ ենթակառուցվածքային նախաձեռնություն՝ «Թրամփի երթուղին միջազգային խաղաղության և բարգավաճման համար» (TRIPP): «Սա էական փոփոխություններ կստեղծի ոչ միայն Ադրբեջանի, այլև ամբողջ տարածաշրջանի տնտեսական և աշխարհաքաղաքական քարտեզի վրա», – նշել է Ադրբեջանի վարչապետը:
News.am
