Իրանն ուսումնասիրում է ՄԱԿ-ի անվտանգության խորհրդի` միջուկային գործարքի վերաբերյալ բանաձևի երկարաձգման նախագիծը։ Այս մասին հայտարարել է Իրանի ԱԳՆ պաշտոնական ներկայացուցիչ Իսմայիլ Բաղային։
«Մենք ուսումնասիրում ենք տեքստը և այդ հարցի վերաբերյալ անպայման կհայտնենք մեր տեսակետը», – ասել է նա ճեպազրույցի ժամանակ` պատասխանելով հարցին` Իրանը տեղյա՞կ է ՄԱԿ-ում Ռուսաստանի առաջարկած բանաձևի նախագծի մասին, որը նախատեսում է երկարաձգել 2015 թվականի միջուկային գործարքը հաստատած 2231 բանաձևը։
Իրանի ԱԳՆ պաշտոնական ներկայացուցիչը հավելել է, որ Թեհրանը մտահոգված է երկրի դեմ պատժամիջոցների վերականգնման հնարավոր հետևանքներով:
Օգոստոսի 22-ին Ռուսաստանի և Իրանի արտգործնախարարներ Սերգեյ Լավրովն ու Աբբաս Արաղչին հեռախոսազրույցի ընթացքում քննարկել էին միջուկային թեման, մասնավորապես` ՄԱԿ-ի ԱԽ 2231 բանաձևը, որի գործողության ժամկետն ավարտին է մոտենում։
Հիշեցնենք` «եվրաեռյակը» (Մեծ Բրիտանիա, Ֆրանսիա, Գերմանիա) ևս առաջարկել է երկարաձգել բանաձևի գործողությունը։ Ընդ որում` «եվրաեռյակն» այդ մասին խոսել է Իրանի դեմ պատժամիջոցների վերականգնման մեխանիզմը գործարկելու համատեքստում, եթե Թեհրանը մինչև օգոստոսի վերջ չհամաձայնի միջուկային գործարքին կամ ՄԱԿ-ի ԱԽ 2231 բանաձևի գործողության երկարաձգմանը (ժամկետը լրանում է 2025 թվականի հոկտեմբերի 18-ին):
Sputnik Արմենիա
