ՀՀ պաշտպանության նախարարությունը ծառայողական քննություն է սկսել Շվեյցարիայի քաղաքացի ոմն Սանդրո Շմիդի մասնակցությամբ միջադեպի կապակցությամբ: Հայտնում է ՀՀ ՊՆ մամուլի ծառայությունը։
Նա վերջերս այցելել է Հայաստան, որտեղ շրջել է մոտոցիկլետով։ Ճանապարհորդության ընթացքում տղամարդն անարգել հասել է մարտական դիրքերից մեկը, որտեղ նրան դիմավորել են հայ զինծառայողներ։
Տեսանյութում, որը շվեյցարացին ինքն է տարածել համացանցում, հայ զինվորականները հատուկ պահպանվող տարածք մուտք գործած անկոչ հյուրին ձերբակալելու փոխարեն հաճելի զրույց են ունեցել օտարերկրացու հետ՝ առատորեն ու անկաշկանդ օգտագործելով անպարկեշտ արտահայտություններ, այդ թվում՝ Ռուսաստանի նախագահ Վլադիմիր Պուտինի հասցեին:
ՊՆ-ից հայտնում են, որ այս պահին պարզվում են տեղի ունեցածի հանգամանքները։
Sputnik Արմենիա
