Վերջին մեկ օրում ավելի քան 70 զոհ և 370 վիրավոր է տեղափոխվել Գազայի հատվածի հիվանդանոցներ: Այս մասին հայտնում է ՌԻԱ Նովոստին՝ հղում անելով Գազայի առողջապահության նախարարությանը։
«Վերջին 24 ժամվա ընթացքում Գազայի հատվածի հիվանդանոցներ են ընդունվել 75 զոհ և 370 վիրավոր»,- ասվում է գերատեսչության հայտարարության մեջ:
Նշվում է, որ 75 զոհերից 3-ը մահացել են սովից և թերսնումից, իսկ 17-ը մարդասիրական օգնության կետերի մոտ գնդակոծության զոհեր են:
Առողջապահության նախարարության տվյալներով՝ 2023 թվականի հոկտեմբերի 7-ից իսրայելական հարձակումների հետևանքով զոհվածների ընդհանուր թիվը հասել է 62 819-ի, վիրավորներինը՝ 158 629-ի։
Հիշեցնենք` 2023 թվականի հոկտեմբերի 7–ին Իսրայելը Գազայի հատվածից աննախադեպ հրթիռային հարձակման ենթարկվեց։ Դրանից հետո պաղեստինյան ՀԱՄԱՍ շարժման գրոհայինները ներխուժեցին սահմանամերձ շրջաններ՝ կրակ բացելով զինվորականների և քաղաքացիական անձանց վրա։ Նրանք պատանդ վերցրին ավելի քան 200 անձանց: Իշխանությունների տվյալներով՝ իսրայելական կողմից այդ ժամանակ զոհվեց մոտ 1,2 հազար մարդ։
Իսրայելի պաշտպանության բանակն ի պատասխան սկսեց «Երկաթե թրեր» գործողությունը և հայտարարեց Գազայի հատվածի ամբողջական շրջափակման մասին. դադարեցվեցին ջրի, էլեկտրականության, վառելիքի, սննդամթերքի և դեղորայքի մատակարարումները:
Sputnik Արմենիա
