«3+3» տարածաշրջանային ձևաչափն անցել է ժամանակի փորձությունը: Այս մասին ճեպազրույցի ժամանակ հայտարարել է Իրանի ԱԳՆ պաշտոնական ներկայացուցիչ Իսմայիլ Բաղային:
Նրա խոսքով՝ Հարավային Կովկասում «3+3» ձևաչափն ունի իր պատմությունը և ստեղծվել է տարածաշրջանի երկրների, այդ թվում՝ Հայաստանի ու Ադրբեջանի և Հարավային Կովկասը շրջապատող պետությունների միջև խորհրդակցությունների համար:
«Մինչ այժմ մի քանի հանդիպումներ են եղել տարբերերկրներում, և եթե չեմ սխալվում` առաջին հանդիպումներից մեկը տեղի է ունեցել Թեհրանում։ Որպես տարածաշրջանային կազմակերպություն, որն աջակցում է Հարավային Կովկասի երկրների, հատկապես Ադրբեջանի Հանրապետության և Հայաստանի Հանրապետության միջև վեճերի լուծմանը, այս մեխանիզմն արդեն անցել է ժամանակի փորձությունը», – նշել է Բաղային։
Նրա խոսքով` անկախ Հարավային Կովկասից դուրս զարգացումներից, տարածաշրջանային երկրները եկել են այն եզրակացության, որ այդ ձևաչափը պետք է ակտիվ պահել, ուստի անհրաժեշտ է ջանքեր գործադրել վեճերի լուծման և արտատարածաշրջանային սուբյեկտների միջամտությունը կանխելու նպատակով այս մեխանիզմի արդյունավետությունը բարձրացնելու համար:
Ավելի վաղ Իրանի նախագահՄասուդ Փեզեշքիանը ՌԴ գործընկեր Վլադիմիր Պուտինի հետ հեռախոսազրույցում հայտարարել էր, որ Իրանի և Ռուսաստանի մասնակցությամբ «3+3» ձևաչափն ավելի գործուն մեխանիզմ է Հարավային Կովկասում խնդիրների լուծման համար:
Sputnik Արմենիա
