Գյումրու «Շիրակ» օդանավակայանը սեպտեմբերի 30-ից կսկսի սպասարկել նոր ուղղություն՝ Լառնակա (Կիպրոս)։ Այս մասին տեղեկանում ենք «Շիրակ» օդանավակայանի մամուլի ծառայությունից։
«Չվերթերն իրականացնելու է հունգարական բյուջետային «Wizz Air» ավիաընկերությունը ս.թ. սեպտեմբերի 30-ից Լառնակայի միջազգային օդանավակայանից դեպի Գյումրու «Շիրակ» միջազգային օդանավակայան»,– ասված է հայտարարությունում։
«Շիրակ» օդանավակայանից հայտնում են, որ Գյումրի–Լառնակա–Գյումրի չվերթերը կիրականացվեն շաբաթական երկու անգամ` յուրաքանչյուր երեքշաբթի և շաբաթ օրերին, և հոկտեմբերի 30-ից սկսած՝ յուրաքանչյուր հինգշաբթի և կիրակի օրերին:
Sputnik Արմենիա
