«Նոր հասարակություն» ինստիտուտի տնօրեն, քաղաքագետ Վասիլի Կոլտաշովը Alpha News-ին տված հարցազրույցում մեկնաբանել է, թե ինչպես կզարգանան Ռուսաստանի հարաբերություններն Ադրբեջանի և Հայաստանի հետ։
Փորձագետի խոսքով՝ ամերիկացիները ներկայումս Հայաստանից և Ադրբեջանից կոալիցիա են ձևավորում Թուրքիայի մեղմ վերահսկողության ներքո։
«Ռուսաստանի և ԱՄՆ-ի միջև բանակցությունները ոչ մի կերպ չեն ազդի Հարավային Կովկասի վրա, բացի այն, որ Մոսկվան շատ ավելի սթափ է սկսում նայել այնտեղ տեղի ունեցողին և այն ամենին, ինչ անում են ամերիկացիներն այնտեղ։ Ամերիկացիներն, ամենայն հավանականությամբ, հիմա կոալիցիա են կազմում Հայաստանից և Ադրբեջանից՝ Թուրքիայի մեղմ վերահսկողության ներքո։ Եվ այս կոալիցիան արդեն պետք է օգնի Ադրբեջանին պատերազմ սկսել Ռուսաստանի դեմ։ Սա այն է, ինչ երևում է հեռանկարում։ Ուստի ռուսական ավիացիան այդքան անխնա ոչնչացնում է ադրբեջանական նավթավերամշակման ձեռնարկությունները, պահեստները և այլ օբյեկտները նախկին խորհրդային Ուկրաինայի տարածքում։ Այդ պատճառով ձերբակալվեցին ադրբեջանական էթնիկ լոբբիստական կառույցների որոշ հակառուսական գործիչներ և նրանցից մի քանիսն արտաքսվեցին։
Այս ամենն այն բանի հետևանքն է, թե ինչ է կատարվում Հարավային Կովկասի տարածաշրջանում։ Եվ պարզ է դառնում, որ որոշ ժամանակ անց Ռուսաստանի զինվորականները կհեռացվեն Հայաստանից։ Հասկանալի է նաև, որ հարաբերությունները Հայաստանի ներկայիս ղեկավարության հետ կտրուկ կվատթարանան, իսկ Ադրբեջանի հետ հարաբերություններն էլ ավելի կվատթարանան, առևտուրը կդադարի։ Մենք մտնում ենք շատ դժվար ժամանակաշրջան»,- ասել է Կոլտաշովը։
Քաղաքագետի կարծիքով՝ Ռուսաստանը քաղաքականապես կորցրել է Հարավային Կովկասը։
«Մենք դուրս ենք գալիս իրադարձությունների զարգացման նոր հետագիծ։ Ճիշտ են այն քաղաքագետները, որոնք ասում են, որ Ռուսաստանը քաղաքականապես կորցրել է Հարավային Կովկասը։ Այո, դա ճիշտ է, ազդեցությունը կորցրել է: «Մեղրաբլիթը» չի ազդել: Իհարկե, լիբերալ տնտեսագետները կարծում են, թե Ռուսաստանի շուկա մուտք գործելն ընդամենը շուկայական տնտեսության հետևանք է, բայց նման բան չկա։ Ո՛չ Հայաստանի, ո՛չ Ադրբեջանի համար ռուսական շուկան այլևս այդքան հեշտությամբ հասանելի, այդքան հեշտությամբ սնուցող չի լինի, այսինքն՝ «բլիթները» վերջացան։
Բայց խնդիրն այն է, որ «մտրակն» ամբողջությամբ զբաղված է Ուկրաինայում։ և ամերիկացիներն իրենց տեր են զգում Հարավային Կովկասում։ Կարծում եմ՝ մեզ սպասվում է Մոսկվայի և Երևանի, Մոսկվայի և Բաքվի հարաբերությունների հետագա վատթարացում Անդրկովկասի ընդհանուր գծով, և ի վերջո, հարցը կհասցվի ուժային լուծման։ Թե երբ դա կլինի, ես չգիտեմ, բայց դա տեղի կունենա: Եվ, իհարկե, Բաքուն կլինի կրակի գծում»,- եզրափակել է Կոլտաշովը:
