Թուրքիայի զինված ուժերի գեներալ Բախտիյար Էրսայն ազատվել է Ադրբեջանի պաշտպանության նախարարի խորհրդականի պաշտոնից, հայտնում են ադրբեջանական լրատվամիջոցները:
Նշվում է, որ Էրսայի՝ այլ աշխատանքի անցնելու հետ կապված ազատման որոշումը կայացրել է Թուրքիայի նախագահ Ռեջեփ Թայիփ Էրդողանը: Մեկ այլ որոշմամբ՝ գեներալը նշանակվել է Թուրքիայի զինված ուժերի 1-ին բանակի հրամանատար:
Օգոստոսի սկզբին Էրսային շնորհվել էր բանակի գեներալի կոչում: Նա 2022 թվականից զբաղեցնում էր Ադրբեջանի պաշտպանության նախարարի խորհրդականի պաշտոնը, մասնակցել է 2020 թվականի աշնանը տեղի ունեցած 44-օրյա պատերազմի նախապատրաստմանը և կազմակերպմանը։
Armenia Today
